Zeatikezpa!

Sawasdee!  > Kaixo! alegiya

Sawasdee ka! / esateue emakumeek

Sawasdee krap! / diote gizonek

Guk, euskaldunok, inork baino hobeto dakigu herrialde bat zerbaitek definitze badu, hoi hizkuntza dala.

Bidaia bat ere bertan ezautzen dezun jendiak definitu dezake, ezinbesteko osagaia da bidian gurutzatzen dezun jende guztiya.

Jende askokin ai gea topo iten gure ibilbidian, bertakuak naiz munduko eozein txokotakouak, ta konturatzen ai gea ze aberasgarriya dan instante motz batez bada re zerbait konpartitu ahal izatia guztiz kultura, leku, ohitura, hizkuntza... ezberdina dakan norbaitekin. Mugak hausteizkizu, gauzak ikusteko modua zabaldu eta askotan konsziente izan gabe bizi gean burbuila hortatik atearazi.

Dala egun batzuk Frantziyak Alemaniyakin iteun mugan bizi dan gazte bat ezautzeko aukera izan gendun. Alsacen bizi zan arren (euren hizkuntza propiyua dakaen lurraldia), munduan zehar asko bidaiatutakua zan mutila, hegoamerika, asian behin baino gehiotan izana... ta hizkuntza dexente dominatze zitun. Gure Euskal Herri txikiyan ere ibiliya omen zan, eta eurek frantzi iparraldian ere gure arazo berdina zekaela esan zigun, zerikusiik eztaken probintziyak bata bestiakin batzera datorren lege frantses berri hori dala ta...

Berriketan ginala ba hizkuntza, identitate, lurralde, bidaia ta kontu guzti hauen inguruan, bapatian galdetu zigun,

- Nola esatea ba [why not?] euskeraz?

- Zeatikezpa! - erantzun geniyon

Ba dirudienez, mutila jute dan lekura jute dala, Zarauzko gaztetxian hainbeste gustatze zaixkiun hitz kurioxo hauek itzultzeko eskatzeu bertako hizkuntzara, ta leku berrin bateko norbait ezautuz geo, berdina eskatzeio, hola eunen baten lurralde hori zapalduz geo, hasiera on bat izateko bertakuakin. Ohitura polita iruitu zitzaigun...

Guk oaingoz eztakau holako esaldiik, baino Thai hizkuntzan xorro-xorro hitz batzuk ikasten hasiyak gea.. ze gutxiyo! Aurreneko hitzak, Krabiko manglarretatik kayak-ian txangua itea eraman zigun Red jaunak erakutsi zizkigun. Hizkuntzaz haratago, gure kultura ta lurraldien inguruan hitzeiten pasatako ordutan, ikasi ta gozatu gendun guztiya izantzan, kayak-an aitzakipian, benetan gustatu zitzaiguna... oaingoz, bidaiako momentuik onenetakua!

Red jauna!

Aonang-eko hondartzan paterak utzi gintunetik, 2 gau generamatzan hostalian momenturo kriston zaparradak botatze zitulako. Hondartzako plana zaila zeonez, ibaiak eta itsasuak bat iteuen hortan Krabiko probintziyak dazkan manglare hektarea luzez osatutako parke natuala kayaken ikertzia okurritu zitzaigun. Internetian pixkat beiratzen jardun ondoren, kayak talde bat sortu berri zuen tailandes batzun planai itxura ona hartu geniyon: Phra Nang Full Moon Kayaking.

Atxaldeko lauetan, gure motxila txikie hartu ta furgonetatxon sartu ginen. Gure harridurako, biok bakarrik genden han, eta gure gida izango zana, noski. Hasieran gu bakarrik han eotek arraroa zirudin arren, seittun hartu zon itxura ona plan horrek. Red, 37 urteko Tailandiar irribarretsu bat, seittun gukin hizketan hasi zan. Bere kidea, Lho, ere aurkeztu zigun. Egun hartan txofer lanak itea tokatu omen zitzaion. Bea berriz, gure konpainerua izango zala.

Asko hitz ein genun Red-ekin: tailandiaz, euskal herriyaz, hizkuntzaz, hegoaldian bizi dian itsasoko ijito nomadez, chao ley jendea (zeinen hizkuntza soilik hitzezkua dan eta eztan idazten)... esan zigun gazteagua zanian muay thai (boxeo tailandesian) egurra emandakua zala, ta oain gaztetxuan irakasle zala boxeo eskola batian.. guri re kolpe batzuk erakusten saiatu zan... ilargiyai buruz e hitzein gendun, beaien kulturan dakan esanahiaz ta Thai-ez, earki, ierki esateala kontuau ginan! Ierra!!!

 Iritsi zan Kayakea sartu ta arraunei emateko ordue! Jon ta biok Kayak baten ta gida besten. Egie esan, oso ondo moldau ginen nobatok izateko! parajea izugarrie zan, eta parajea baino gehio, ingurune horrek transmititzen zittun sensaziok. Ixiltasun hura, ur bare baren gainetik moitzea,  natura usaie, ur hotsa, haizea...hirurok bakarrik han.

Tximinok ikusi ginuzten, baita Barrakuda izeneko arrai saltarin batzuk e. Ibaien zehar ibili ondoren, bi arkaitz haundi arten irekitze zan ate batetik sartu ginen kanoi itxi batea. Bertatik arraunian etzan ezer entzuten, ixiltasun totala.

Ilunabarrakin batea ekaitze sartuzon ta pixkanaka erretiratzen hasi ginen, bueltako biden gure gida jatorra, doinu orientalak abestuz (eskala pentatoniko eder horrekin) eta zaparradaz gozauz. Ni noizbehinka beakin batea abesten saiatzen nitzen, oso momentu majikoa izan zan egie esan.

Afaltzeko ordue! Hondartza bateko aterpea jun ginen. Hoi banketea! Kalamar erraloi bat, olarroa, oilaskoa, saltsak, pintxo morunok, langostinok, mejilloiak... Etxeakon furgoneta geau ta izar gehien ikusten zien tokin, sorpresa omen genduken! Paperezko farolillo hoietakok atea, sue eman eta hor bialdu ginuzten zerun ilunen gora, izar bihurtu arte. Politte izan zan!

Eun euritsu trixte bat izatia zekanak, gure abenturako atzalde earrenetako bat izaten amaitu  zun. Urrengon e inprobisau in berko deu!

Zeatikezpa!

Merkexurren

Full moon (Kayak agentzia)> 1300thb otordue ta garraioa barne (31,5e)

Egun hontako gosai brutala> debalde! buffet baten porlakara kolau ginan.... jiji